ഇനി എല്ലാം മറന്നേക്കൂ പ്രിയപ്പെട്ട മാര്‍ക്വേസ്...
ഓ.വി.വിജയന്‍ കാത്തിരിപ്പുണ്ട്...
അല്ലെങ്കിലും ആ മഹായാത്രയ്ക്കുള്ള
തയ്യാറെടുപ്പില്‍ തന്നെ,
എല്ലാം മറന്ന് കളഞ്ഞവനാണല്ലോ നീ..
മറന്നേക്കുക, ഇനിയൊരിക്കലും
സംഭവിക്കാനിടയില്ലാത്ത ലാറ്റിനമേരിക്കന്‍ വിപ്ലവത്തിന്,
നീ വാഗ്ദാനം ചെയ്ത ആ പത്ത് ലക്ഷം ഡോളര്‍.
അന്‍റോണിയോ പിഗോഫെറ്റയെന്ന
മുതുമുത്തശ്ശനില്‍ നിന്ന് നീ പകര്‍‍ന്നാടിയ,
മാന്ത്രികയാഥാര്‍ത്യങ്ങളെ...
ഞങ്ങള്‍ ഖസാക്കിന് പകരം വെച്ച
മക്കൊണ്ടയെ....
അള്ളാപ്പിച്ചാ മൊല്ലാക്കയുടെ
ഭ്രമാത്മകതകള്‍ക്ക് പകരം വന്ന,
ജിപ്സിയെ...മെല്‍ക്കിയഡ്സിനെ....
മൈമുനയുടെ പ്രണയത്തിനും, രതിക്കും
പകരമായി നീ തന്ന,
റെമഡിയോസിന്‍റെ മാദക ഗന്ദങ്ങളെ....
എല്ലാം മറന്നേക്കുക.....
ഇനി ലോകം ഏകാന്തമത്രേ..
ഒരുപേമാരിയിലും,കൊടുങ്കാറ്റിലും
എല്ലാം ഒടുങ്ങുവോളം....
വിട....
സര്‍പ്പശുദ്ധമായ മഴയില്‍ കുതിര്‍ന്നവനെ,
ആല്‍മരമായി പരിവര്‍ത്തിപ്പിച്ചവന്‍,
പ്രിയന്‍ ഓ.വി.വിജയന്‍,
കാത്തിരിപ്പുണ്ട്,,,
ലോകത്തിന്‍റെ കണ്ണുനീരിന്
തികച്ചും,അര്‍ഹര്‍...
വിട....മഹാനുഭാവ.....
No comments:
Post a Comment