പനി
പനിയും ഒരു സ്വതന്ത്ര റിപ്പബ്ളിക്കാണ്,,
അനാദിയും, അനന്തവുമായ ഒന്ന്.
സരസുടീച്ചറിന്‍റെ ഒന്നാംക്ളാസ്സില്‍ നിന്ന്,
അമ്മയുടെ കൈകളിലേക്ക് ഓടിപ്പോകുമ്പോള്‍,
ഇളം കൂമ്പില തിന്ന് പച്ചയായ ഒരു പുഴു,
ഒരമ്മയുടെ സ്വകീയ സ്നേഹം,
എങ്ങനെ അപനിക്ഷേപം ചെയ്യാമെന്ന് പഠിപ്പിക്കുന്നു.
ഗഗനത്തിന്‍റെ ആഴങ്ങളില്‍ നിന്ന്,കടലിന്‍റെ ഉയര്‍ന്ന ശിഖരങ്ങളിലേക്ക്,
ഒരു പ്രണയിനിയുടെ കൈവിരലില്‍ തൂങ്ങി യാത്ര പോകും.
സാല്‍വദോര്‍ഡാലിയുടെ മുകളിലേക്ക് വളഞ്ഞ മീശയില്‍ ആടി
ഉല്ലസിക്കും.
ചുമ്മാതെ,ചുമ്മാതങ്ങനെ ഒഴുകുമ്പോള്‍,,,
ഉറുമ്പ് കുത്തും പോലെ സിറിഞ്ച്കൊണ്ട് തളയ്ക്കാന്‍
വെള്ളക്കുപ്പായക്കാരി
നൂറ്റിരണ്ട് ഡിഗ്രി പനിയില്‍ ഒരു പുതപ്പിനുള്ളില്‍,
വിറച്ച്,വിറച്ച് കിടക്കണം,
അതെ പനിയും ഒരു സ്വതന്ത്ര റിപ്പബ്ളിക്കാണ്,,,,
പ
No comments:
Post a Comment